| Dende hai un par de anos, a Fundación Avión, en colaboración co Concello de Avión, emprendeu a creación dunha Festa Gastronómica centrada na degustación gratuita da Vincha, un postre moi antiguo que se preparaba nalgúns lugares de Avión durante o entroido, pero cuxo consumo estaba caendo en desuso. A festa celébrase ben a finais de xuño, ou a principios de xullo, porque é nestas datas cando retornan a pasar as súas vacacións a maior parte dos emigrantes do Concello. Gracias a esta iniciativa, as novas xeracións comezan a coñecer unha cultura gastronómica case perdida, mentras que para outros, supón lembrar unha das comidas imprescindibles durante a festa do entroido. Esta festa tamén sirve de escaparate único para a exaltación doutras manifestacións culturais, neste caso musicais, como son as pandeiradas, propias tamén dalgunhas parroquias do Concello.
Na Festa da Vincha tamén se expoñen Cuadros e Encaixes, elaborados polas mulleres de Avión nos Talleres de Pintura e Encaixe que se celebran no Concello ó longo do ano. Todas estas actividades, compleméntanse cunhas adicadas especialmente ós nenos, nas que levan a cabo tanto xogos populares, como manualidades.
|
